Ğazzädä här kön 37 äni keşe ülä
Fälästin Qızılayı Ğazzä sızığındağı höcümnär arqasında här kön 37 äni keşeneñ ülüen belderde
Fälästin Qızılayı Ğazzä sızığında İzrail höcümnäre arqasında här kön 37 äni keşeneñ ülüen belderde.
Fälästin Qızılayı 21 mart Änilär köne uñayınnan belderü yasap, İzrailneñ 7 oktäbr’dän birle däwam itkän höcümnärendä ğomeren yuğaltqan äni keşelärgä iğtibarnı cälep itte.
Ğaräp häm ingliz tellärendä yasalğan belderüdä bolay diyelä: “Ğazzä sızığında här kön 37 äni keşe şähit bula.”
Aralarında Fälästin häm Misır da bulğan qayber ğaräp illärendä 21 mart Änilär köne bularaq qotlana.
İzrail 7 oktäbr’dän birle oyıştırğan höcümnärdä kim digändä 14 meñe balalar, 9220se xatın-qız bulğan barlığı 31 923 fälästinle üterelde, 74 096 keşe yaralandı.
Xäräbälär astında xäzerge waqıtta meñnärçä ülgän keşeneñ buluı äytelä.
Bäyläneşle xäbärlär
AQŞtan Ukrainağa xärbi yärdäm kötelä
6 milliard dollarlık yaña östämä xärbi yärdäm paketı täêmin iteläçäk