Yaponiyadä tanker batqan

Yaponiyaneñ könbatış yarı sulıqlarında ximikat taşuçı tanker batqan.

Faciğada êkipaj personalı bulğan 8 keşe ülgän.

Däwlät televideniyese “NHK” xäbärenä kürä könbatıştağı Yamaguçi vilayäteneñ Şimonoseki şähäre sulıqlarında Kön’yaq Koreya bayraqlı ximikat tankerı köçle cil häm biyek dulqınnar arqasında äylände.

Waqıyğada 8 İndoneziya, 2 Kön’yaq Koreya häm 1 Qıtay keşese bulğan 11 êkipaj personalı bula. Alardan 9ısı diñgezdän çığarılğan.

Kyodo agentlığı cirle räsmi zatlarğa tayandırıp birgän xäbärgä kürä oçqıç häm patrul’ köymäläre belän yuğalğan 2 keşe öçen êzläw-qotqaru êşläre alıp barıla.

Yaponiyaneñ yar buyı iminlege beldergänçä 68,8 metr ozınlıqtağı häm 10,6 metr kiñlektäge tanker 980 tonna akril kislotası taşığan.