Okean öslege nik cılına?

Dön’yadağı okean öslegeneñ urtaça cılılığı mart ayında yaña rekord quyıp, 21,2 gradus buldı.

Mên universitetına bäyle “Climate Reanalyzer” belän AQŞnıñ Milli okean häm atmosfera departamentı mäğlümatlarına kürä global’ cılınu okean öslegeneñ cılınuına da kiterde.

2023 yılnıñ avgust ayında okean öslege 21,1 gradus bulğan ide.

Bıyıl mart ayında isä 21,2 gradus küzätelde.

Milli okean häm atmosfera departamentı xezmätkäre, okeanograf Gregori Djonson “CNN”ğa interv’yu birep, 2023tä ülçängän urtaça dön’yaküläm okean cılılığınıñ 2022 yıldan 0,25 däräcägä artıq buluın häm bu artışnıñ 20 yıllıq cılınunıñ ber yılda kürelüenä turı kilüen açıqladı.

Djonson beldergänçä atmosferadağı uglerod gazı konśentraśiyase artqan sayın bu rekord cılılıqlar däwam itäçäk.