“Lufthansa” personalı êş taşlıy

Germaniya hawa yulları şirkäte “Lufthansa” 12 häm 13 martta êkipaj personalınıñ êş taşlawı arqasında planlaştırılğan meñ oçqıç säfäreneñ ğamäldän çığarıluın belderde.

“Lufthansa”dan yasalğan belderügä kürä êkipaj personalınıñ 2 könlek êş taşlaw çarası arqasında 12 mart könne Frankfurt aêroportında 600, 13 martta Myunxen aêroportında 400 reysnıñ ğamäldän çığarıluı kötelä.

Älege êş taşlaw çaraları Frankfurtta 70 meñ häm Myunxenda 50 meñ yulçığa täêsir itäçäk.

“Bäysez êkipaj personalı oyışması” hönärçelär berlege uzğan atna azağında Lufthansanıñ êkipaj personalın êş taşlarğa çaqırğan ide.

Hönärçelär berlege Lufthansanıñ yaqınça 18 meñ êkipaj personalı xezmät xaqların 15%ka arttırunı taläp itä.