Pilotlar oçqıçta yoqığa talğan
İndoneziyadağı ber oçqıç säfärendä pilotlarnıñ ber ük waqıtta yartı sägät’ tiräse yoqlawı bilgelände
İndoneziya däwlät xäbär agentlığı “Antara” xäbärenä kürä 25 ğıynwarda İndoneziyadä Kendaridän başqala Cakartağa çınğa aşırılğan reys waqıtında pilot häm yärdämçe pilotnıñ ber ük waqıtta 28 minut buyı yoqlawı navigaśiya xatalarına kiterde.
Oçqıç minutlarça yünäleşennän taypılıp xäräkät itte.
Milli transport qurqınıçsızlığı komitetı xisabına kürä oçqıç säfäre waqıtında 153 yulçı häm 4 êkipaj personalı yaralanmağan, oçqıç bernindi zıyan kürmägän.
Xisaptan kürengänçä yärdämçe pilot irtänge sägät’lärdä kapitan pilotka citärle däräcädä yal itä almawın äytkän bula.
Oçqıç Kendaridan kütärelep kitkännän soñ pilot yal itü öçen röxsät sorıy häm ikençe pilot oçqıç belän idarä itä başlıy.
Annarı yärdämçe pilot ta yoqığa kitä.
Xisapta yärdämçe pilotnıñ ber aylıq igezäk bäbiläreneñ buluı häm xäläl cefetenä balalarnı qaraşırğa yärdäm itkäne öçen yoqısız qaluı belderelde.
Waqıyğa belän bäyle tikşerü başlatılğan.
