Germaniyadä kümäk qaber tabıldı

Germaniyaneñ Nyurnberg şähärendä qartlar yortınıñ tözeleşennän alda qazular başqarğan arxeologlar Awrupada xäzergä qadär tabılğan iñ zur kümäk qaber taptı.

Däwam itüçe qazularda xäzergä qadär 500dän artıq keşe qaldıqları çığarıldı. Arxeologlar 17nçe ğasırnıñ berençe yartısında qazılğan çuma çoqırların tabuların uylıy.

Kümäk qaberdä 1500 tiräse keşeneñ kümelüe farazlana.

Nyurnbergnıñ Mirasnı saqlaw departamentında arxeolog Melani Langbeyn häm Baş antropolog Florian Melzer: “Tözeleş urınnarında tabılğan barlıq qaldıqlarnı arxivlayaçaqbız. Êşçänlek tögällängäç bu urınnıñ Awrupada çuma qorbannarı öçen aşığıç räweştä qazılğan iñ zur qaber bulaçağın uylıybız,” – dide.

Awrupada 6nçı ğasırdan birle şaqtıy çuma töreneñ şähärlärne beterüe belenä.