Sudanğa ramazanda atışmasqa quştılar

BMO İminlek şurasında Sudanda Ramazan buyı atışmaw belän bäyle qarar ölgese qabul itelde. Anı Angliya täq’dim itte.

Qararnı 15 äğ’zalı şurada 14 däwlät yaqladı, Rusiyä - tıyılıp qaldı. Moña Rusiyäneñ BMOdağı daimi wäkile urınbasarı Anna Yevstigneyeva açıqlıq kertte. “Könbatış däwlätläreneñ çın niyätlären yaxşı beläbez”, dide ul häm şul uq illärneñ Ğazzädä tınıçlıq urnaştıruğa kirtä buluların, 30 meñnän artıq keşe ülgän cirlektä utnı tuqtatu taläp itmäwneñ ikele standartlarnı açıq räweştä kürsätüen söyläde. Yevstigneyeva Ğazzädä utnı tuqtatunı sorawçı qararlarğa Amerika Quşma Ştatlarınıñ, anda diplomatik êşçänlek alıp barularına sıltaw itep, veto quyuın xäterlätte. Ul, asılında, xäzer Sudanda diplomatik êşçänlek alıp barunıñ näq’ waqıtı buluın äytte. Rusiyä wäkile qarar ölgesenä Sudan xalqınıñ tormışı belän bäyle buluı öçen veto quymawların, il xalqınıñ üzeneñ bäreleşkä noqta quyarğa tiyeşlegen citkerde.

Qararda Sudandağı yaqlarğa ramazan ayı buyı atışunı tuqtatırğa çaqıru yasala häm dialog yulı belän çişeleş êzlärgä täq’dim itelä.