Şveśiyä NATOğa kerde

Şveśiyä räsmi räweştä NATOnıñ 32nçe äğ’zası buldı. Protokolnı qabul itü tantanası AQŞ başqalası Vaşingtonda uzdı. Bu xaqta NATO ğomum särqatibe Yens Stoltenberg “X” sośial’ media platformasında urtaqlaştı. “Şveśiyä NATOnıñ 32nçe äğ’zası buldı häm tügäräk östälebezdä layıqlı urının aldı. Düşämbe könne ittifaqnıñ ştab-fatirında bayraqlarnı kütärüne sabırsızlanıp kötäm”-dide ul.

11nçe martta uzaçaq tantanada Şveśiyä xökümäte räise Ul’f Kristersson da qatnaşaçaq.

Bilgele bulğança, Şveśiyäneñ NATOğa kerüe Törkiyä häm Vengriyäneñ raslamawı arqasında totqarlandı. Törkiyä Böyek Millät Mäclese 23nçe ğıynvarda, Vengriyä parlamentı isä 26nçı fevral’dä raslaw prośessın tögälläde.