İñ borınğı ağaç qaldıqları tabıldı

Angliyäneñ kön’yaq-könbatışında Cir yözendäge moña qadär bilgele bulğan iñ borınğı urmannıñ ağaç qaldıqları açıqlandı. Taşqa äwerelgän älege tabıldıqlarnıñ tarixı 390 million yıl êlekkegä barıp totaşa.  

Ğalimnär fosillärne Bristol’ kanalınıñ kön’yaq yarında, Maynxed şähärendäge park tiräsendä taşlıqta taba.  

Moña qadär iñ borınğı ağaç qaldıqları dip AQŞnıñ N’yu-York şähärendägelär sanala ide. Kêmbridj universitetı ğalimnäre yaña tabılğan 390 million yıllıq fosillärneñ alardan 4 million yılğa qartraq buluın belderä.  

Tikşerenüneñ avtorlarınnan berse Neyl Dêvis älege ağaçnıñ pal’mağa bik oxşawın, tik yafraqları bulmawın citkerde.