Rusiyädä cılılıq stanśiyäsendä şartlaw

Rusiyäneñ Tıva töbägendä ber cılılıq êlektrostanśiyäsendä bulğan şartlawda 23 keşe yaralandı. 6sınıñ xäle awır.

Şagonar şähärçegendä urnaşqan stanśiyäneñ qazan bülegendä cirle waqıt belän säğat’ 8 tulıp 49 minutta şartlaw kilep çığa. Şunnan soñ älege binada yanğın başlana. Andağı êşçelärne qotqaru törkemnäre êvakuaśiyälägän.

Êvakuaśiyälängän êşçelärneñ 15e gäwdälärendä peşü barlıqqa kilü häm töten belän ağulanuı säbäple xastaxanägä salınğan.

Berençel mäğ’lümatlarğa qarağanda, şartlaw qazan bülemendäge kümer saqlağıçında metan gazı cıyılu arqasında kilep çıqqan. Waqıyğanı tikşerü bara.

Şartlawdan soñ Şagonar şähärçegendä yaqınça 4 meñ keşe yäşi torğan 68 küpqatlı häm 216 şäxsi yortqa cılılıq birü tuqtatıldı.