"Ğazzä sızığındağı balalar ülemnäre belän kileşep bulmıy"
Bu xaqta AQŞ däwlät departamentı süzçese Mêt’yu Miller belderde
Amerika Quşma Ştatları Ğazzä sızığındağı balalar ülemnäre belän kileşep bulmawnı İzrailgä açıq räweştä citkerülären belderde.
AQŞ däwlät departamentı süzçese Mêt’yu Miller jurnalistlarnıñ sorawlarına köndälek matbuğat oçraşuında cawap birde.
Ul Ğazzädäge şartlarnıñ qotoçqıç buluın belerep:” Minem uylawımça, bik az rizıqnı balalarına aşatu öçen üzläre aşamıyça qalğan ata-analar bik küp. Şuña kürä balalarnıñ ülemen qabul itü, anıñ belän kileşep bulmıy. Bez monı İzrail xökümätenä açıq räweştä citkerdek”,- dide.
Miller töbäktä bäreleşlär başlanu häm anıñ näticäsendä kilep çıqqan gumanitar xäl öçen “Xamas”nı cawaplı totuların iskä töşerep bolay dide: “ İzrailgä problemanı çişü häm azıq-tölek kertüne täêmin itü öçen küp êşlärgä kiräk. Fälästin xalqı çın, citdi gumanitar yärdämgä moxtac”.
