Medvedev Ukraina territoriyäse bülgälängän karta kürsätte
Anda barı Kiyev häm anıñ tiräsendäge keçkenä töbäk östenä “Ukraina” dip yazılğan
Rusiyä İminlek şurası räise Dmitriy Medvedev düşämbe könne Soçida oyıştırılğan yäş’lär festivalendä Ukraina territoriyäseneñ zur öleşe Rusiyä, Pol’şa, Rumıniyä häm Vengriyä arasında büleşengän karta kürsätte. Anda barı Kiyev häm anıñ tiräsendäge keçkenä töbäk östenä “Ukraina” dip yazılğan.
Medvedev, monnan tış; “Dneprnıñ ike yarındağı cirleklärneñ Rusiyäneñ tarixi strategik çikläreneñ ayırılmas öleşe” buluın äytte. Şul uq kartada Dnestr buyı töbägeneñ (Prednestrov’ye) Moldovanıñ ber öleşe ikänlege kürenä.
Medvedev: “Bügenge xäl 1962nçe yıldağıdan tağın da naçar”,-dip çorıbıznı Kuba raketa krizisı belän çağıştırdı.
“Bu Rusiyägä qarşı Amerika qoralları belän, Amerika maxsus quätläre häm kiñäşçeläreneñ qatnaşında alıp barıluçı tulı köçle suğış”,-dide Dmitriy Medvedev.
