Moldovadağı separatistlar Rusiyädän yärdäm sorıy
Moldovada urnaşqan häm ber’yaqlı bularaq üzeneñ bäysezlegen iğ’lan itkän separatist Dnestr buyı töbäge kiçä Rusiyädän yaqlaw soraw qararı çığardı
2109138
Rusiyä tışqı êşlär ministrlığı Moldovadağı separatist Dnestr buyı töbägendä yäşäwçelärne yaqlawnıñ üzeneñ östenlekle mäs’äläse buluın citkerde.
Rusiyäneñ TASS xäbär agentlığı citkergänçä, annan kilgän möräcäğat’ne ilneñ oyışmaları iğ’tibar belän bäyäli.
Moldovada urnaşqan häm ber’yaqlı bularaq üzeneñ bäysezlegen iğ’lan itkän separatist Dnestr buyı töbäge kiçä Rusiyädän yaqlaw soraw qararı çığardı. Anda Moldova idaräseneñ soñğı waqıtta cirlektäge basımın arttıruı häm töbäktä yäşäwçe yaqınça 220 meñ Rusiyä watandaşın yaqlaw kiräklege citkerelä.
