Ğazzägä oçqıçlardan gumanitar yärdäm attılar

BMO Ğazzägä gumanitar yärdämnärne arttıru öçen hawadan töşerü sistemasın da kertep här mömkinlekne qarawların belderde. Bu xaqta köndälek matbuğat cıyılışında süzçe Stefan Duyarriç jurnalistlarğa söyläde. Ul Ğazzägä hawadan yärdäm töşerüneñ awırlıqları barlığın häm şuña älege ısulnıñ berençe urında tormawın äytte. Cirdän yärdäm kertügä östenlek birälär.  

Duyarriç bäreleşlär däwam itkändä yärdäm kertüneñ gumanitar oyışma xezmätkärläreneñ dä, bu yärdämnärne aluçılarnıñ da tormışına qurqınıç tudıruın, şuña kürä utnı tuqtatırğa çaqıruların citkerde.

Ğazzä sızığınıñ tön’yağına täwge tapqır oçqıçlar belän çikle külämdä azıq-tölek yärdäme ireşterelüe belderelde.

“Qaydan buluı açıqlanmağan oçqıçlar suğış başlanğannan birle täwge tapqır çolğanıştağı Ğazzä sızığınıñ tön’yağına Cibaliyadağı İndoneziya xastaxanäse tiräsenä distälärçä azıq-tölek ärcäse attı”-di waqıyğanıñ şahitläre. Alar oçqıçlarnıñ könbatıştağı Rimal mäxälläsendäge Bilgesez ğaskäri parkına da yärdäm töşerüen citkerde.

Fälästinle çığanaqlar oçqıçlardan paraşyut belän atılğan yärdämnärneñ gumanitar hälakät kiçerüçe Ğazzä öçen bik çikle buluın äytte.