Saturnnıñ iyärçenendä okean bulırğa mömkin
Tikşerenüçelär Saturnnıñ iyärçene Mimasta qalın boz belän qaplanğan okean bula aluın citkerde
Saturnnıñ tabiğıy iyärçene Mimasnıñ boz belän qaplanğan öslegeneñ astında kiñ okean bulırğa mömkin. Franśiyä, Qıtay häm Angliyä tikşerenüçeläre NASAnıñ “Kassini-Güygens” ğaläm apparatınıñ mäğ’lümatların analizladı. Ul 2017nçe yılda Saturnnıñ atmosferasında yanğançı älege planetanı häm iyärçennären 10 yıldan artıq küzätkän.
Saturnnıñ iyärçene Mimasnıñ orbitasında häm äyläneşendäge üzgäreşlärne dä analizlağan belgeçlär anıñ tuñ öslegeneñ 20-30 kilometr astında kiñ häm yäş’ okean bula aluın farazladı.
Tikşerenü törkemendäge Valeri Leyni iñ ähämiyätle açışnıñ xätta sıyıqlıq xälendäge suğa iyä buluı kötelmägän Mimasta okean tabılu mömkinlege ikänen belderde. “Mimas potenśialı yağınnan qarağanda, yäşärgä mömkin urın şikelle kürenä. Tik tormış barlıqqa kilüe öçen niqadär waqıt kiräklegen belmibez”,-dide ul.
