Şveśiyäneñ NATOğa kerüe qarşında kirtä qalmadı

Vengriyä parlamentı Şveśiyäneñ NATOğa kerüen rasladı. Kiçä uzğan utırışta bu nisbättän tawış birü uzdı. Anda 188 deputat Şveśiyäneñ ittifaqqa kerü ğarizasın xupladı, 6sı qarşı çıqtı, 4 deputat bitaraf qaldı.  

Şveśiyä idaräse Verngriyäneñ bu qararınnan soñ NATO äğ’zası barlıq illärneñ xuplawın alğan buldı.

NATO ğomum särqatibe Yens Stoltenberg Vengriyä parlamentınıñ qararına qanäğat’ qaluların belderde. “Şveśiyäneñ kerüe barıbıznı tağın da köçle häm tağın da imin xälgä kiteräçäk,”-dide ul “X” sośial’ media platformasındağı yazmasında.

Şveśiyä NATOnıñ 32nçe äğ’zası bulaçaq.