Ğazzägä gumanitar yärdäm kimegän
Ğazzä sızığına fevral’dä kergän gumanitar yärdäm miqdarı ğıynwarğa kürä 50%ka tübänäygän
![Ğazzägä gumanitar yärdäm kimegän](http://cdn.trt.net.tr/images/xlarge/rectangle/ab8c/acb1/aac0/65a4d99f63f3a.jpg?time=1718738183)
İzrail höcümnäre däwam itkän Ğazzä sızığına fevral’ ayında kergän gumanitar yärdäm miqdarında ğıynwar belän çağıştırğanda 50%ka tübänäyü küzätelgän.
BMOnıñ Yaqın Könçığıştağı fälästinle qaçaqlarğa yärdäm kürsätü häm tözekländerü agentlığınıñ ğomum komissarı Filip Lazzarini Ğazzädä küzätelüçe azıq-tölek qıtlığı belän bäyle bularaq X sośial’ media platformasında belderü yasadı.
Lazzarini Ğazzädäge azıq-tölek krizisın beterü öçen utnı tuqtatunıñ iğlan itelüe, töbäkkä yärdämnärneñ ireşterelüe öçen isä qamawnıñ beterelüe zarurlığın belderde.
Filip Lazzarini fevral’ ayında Ğazzägä kergän gumanitar yärdämneñ aldağı ayğa kürä 50% tiräse kimüenä iğtibarnı cälep itte.
Lazzarini kiçä belderü yasap, İzrail aç häm susız qaldırğan Ğazzäneñ tön’yağına 23 ğıynwardan bügengä qadär yärdäm ireşterä almawların citkergän ide.