Çirkäwgä höcüm oyıştırılğan

Afrika illärennän Burkina Fasoda yäkşämbe könge dini cıyın waqıtında ber çirkäwgä höcüm oyıştırılğan.

Waqıyğada 15 keşeneñ ğomere özelgän.

Dori katolik çirkäwennän yasalğan yazmaça belderüdä Sahel töbägeneñ Seno provinśiyasendä urnaşqan Essakane awılındağı çirkäwdä cıyın waqıtında bilgesez keşelär tarafınnan höcüm oyıştırıluı citkerelde.

Açıqlawğa kürä höcümdä 15 keşe ülgän, 2 keşe yaralanğan.

Burkina Fasoda 2015tä çıqqan qurqınıçsızlıq krizisı näticäsendä 2 millionnan artıq keşe öylären taşlap kitärgä mäcbür qaldı. Xökümät mäğlümatlarına kürä bu keşelärdän barı tik 120 meñe genä öylärenä qayta aldı.

Prem’yer-ministr Tambela uzğan yılnı açıqlaw yasap, il cirläreneñ 65%ınıñ däwlät kontrolendä buluın äytkän ide.