Kit cırlarınıñ sere açıldı

Ğalimnär örkäçle kit häm teşsez kit şikelle okeandağı iñ zur kit törlärennän qayberläreneñ niçek cırğa oxşağan tawış çığaruların açıqladı. Monıñ öçen üzläre yarğa taşlanıp ülgän 3 kittan alınğan buğazlarnı tikşerdelär. Annan kürengänçä, kitlar tamaqlarınıñ östendä may qatlawınnan toruçı U räweşendäge struktura arqasında hawanı kire äyländerep su yotmıylar häm şulay itep “qatlawlı cır” kiterep çığaralar.

Tikşerenüdä okeanda keşelär êşçänlegennän kilep çıqqan tawışlarnıñ da kitlarnıñ yıraq aralardağı êlemtäsenä täêsir itä aluı belderelä. Bu mäğ’lümat qayber tör kitlar häm yuqqa çığuçı başqa diñgez xaywannarı nisbätennän ähämiyätle.

Êşçänlekne Daniyadan professor Koên Êlemans citäkli. Ul BBCgä yasağan belderüendä: “Tawış kitlar öçen tormışçan möhim, çönki parlaşu öçen okeanda ber-bersen tabunıñ berdänber yulı bu”,-dide. Ul keşelärneñ êşçänlege näticäsendä çıqqan tawışnıñ moña qıyınlıq tudıruın äytä. “Kitlar bezneñ okeanda barlıqqa kitergän tawışlarnı bastıru öçen tağın da köçleräk tawış belän cırlıy almıylar,”-di professor.