BMO Ğazzägä azıq-tölek yärdämen tuqtattı
Bu xaqta programmadan yasalğan yazmaça belderüdä äytelä
Berlӓşkӓn Millӓtlӓr Oyışmasınıñ Bötendön’ya azıq-tölek programması İzrail küpläp üterü däwam itkän Ğazzäneñ tön’yağına tormışnı qotqaruçı azıq-tölek yärdämen tuqtatırğa qarar birde.
Üzäge Rimda urnaşqan Bötendön’ya azıq-tölek programmasınnan yasalğan yazmaça belderügä kürä Ğazzä sızığınıñ tön’yağına yärdämne tuqtatu qararı ciñel genä qabul itelmäde.
Belderüdä bolay diyelä: “Bötendön’ya azıq-tölek programması Ğazzädäge çarasız keşelärgä aşığıç räweştä ireşü mäs’äläsendä täwäkkäl. Läkin kritik azıq-tölek yärdämen monnan faydalanuçı keşelärgä ireşterü öçen kiräkle iminlekneñ täêmin itelüe zarur.”
Belderüdän kürengänçä Bötendön’ya azıq-tölek programmasınıñ ğıynwar ayı azağındağı yärdämennän soñ töbäktäge wazğıyät’ tizlek belän naçarayğan.
“Bötendön’ya azıq-tölek programması yärdäm kürsätüne däwam itü yulın mömkin bulğan qısqa waqıtta cawaplı räweştä êzläyäçäk. Fäläkätkä kirtä quyu öçen Ğazzägä yärdämne zur ülçämdä kiñäytergä ixtıyac bar. Monı başqarıp çığu öçen Ğazzägä tağın da kübräk azıq-tölekneñ kilüe, şulay uq Ğazzäneñ tön’yağındağı kerü urınnarınıñ da açıluı kiräk,” – dip äytelä belderüdä.
