Awrupada igençelär rizasızlıq belderä
Awrupa Berlegeneñ igençelek säyäsätlären protest itü däwam itä
Awrupa illärendäge igençelär Awrupa Berlegeneñ igençelek säyäsätlärenä rizasızlıq belderergä däwam itä.
İtaliyadä atnalar buyı Awrupa Berlegeneñ igençelek säyäsätlären, artqan citeşterü üzqıymmätlären häm tarmaqqa yärdämneñ tuqtatıluın protest itüçe igençelär tağın ber tapqır Rimda cıyıldı.
Protest çarasında “Awrupanıñ qolı tügel bez”, “İgennär yuqqa çığa”, “İgennärne qotqaru öçen köräşäbez” dip yazılğan plakatlar iğtibarnı cälep itte.
Qayber igençelär Nomentana bul’varın yaptı.
Pol’şalı igençelär dä Ukrainadan oçsız bäyägä awıl xucalığı produktlarınıñ importlanuına rizasızlıq belderde.
Protestçılar awıl xucalığı texnikası belän Medika çik buyı qapqasına yul tottı.
Rizasızlıq belderüçelärnñ ber öleşe yulı yaptı, ikençe öleşe Ukraina belän Pol’şanı ber-bersenä totaştıruçı timer yulnı blokladı.
Ukrainadan Pol’şağa kergän poyezddağı kukuruznı timer yulına çäçkän igençelär Awrupa Berlegenä qarşı şiğar’lär äytte.
Franśiya, İspaniya, Greśiyadä dä protest çaraları uzdı.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy