AQŞ qabat veto quydı

BMO İminlek şurasında Aljirnıñ Ğazzädä aşığıç räweştä utnı tuqtatunı taläp itüçe, tınıç xalıqqa qarata barlıq höcümnärne ğayepläwçe häm mäcbüri küçerügä qarşı çığuçı qarar ölgese tawış birügä quyılğan ide.   

15 äğ’zalı şurada 13 il älege dokumentnı yaqladı, Angliyä tarafsız qaldı, ä AQŞ veto quydı. Süz uñayınnan, Amerika Quşma Ştatları 16nçı, 18nçe häm 25nçe oktyabr’ belän 8nçe dekabr’dä dä BMO İminlek şurasınıñ Ğazzä belän bäyle qararlarına veto quyğan ide. Berläşkän Millätlär Oyışması süzçese Stefan Duyarriç sonğı veto nisbätennän belderü yasadı. “Bezneñ yullamabız üzgärmäde. Ğomum särqatib (Antonio Guterriş) Ğazzädä utnı tuqtatırğa çaqıruın yañarta häm İminlek şurasınıñ ber süzdä buluın teli”,-dide ul.

Duyarriç BMO İminlek şurasınıñ 5 daimi äğ’zasınıñ zur cawaplılığı buluın assızıqlap: “Vetonıñ ni öçen qullanıluı añlatılırğa tiyeş”,-dide.

Monnan tış, İzrailneñ BMOdağı daimi wäkile Yaqın Könçığıştağı fälästinle möhacirlärgä yärdäm häm mäşğul’lek agentlığın  “terrorçı oyışma” dip atağan ide. Duyarriç moña cawap itep agentlıqnıñ Ğazzädäge gumanitar yärdäm êşçänlekläreneñ ähämiyätle öleşen başqaruın däwam itüen citkerde.