Mikroavtobuska qorallı höcüm

Gaitida ber mikroavtobuska oyıştırılğan qorallı höcümdä 10 keşeneñ ğomere özelgän.

Töbäktäge matbuğatta çıqqan xäbärgä kürä başqala Port-o-Prinstağı poliśiya bülekçäse yanında ber banda törkeme tarafınnan mikroavtobuska qorallı höcüm oyıştırıldı.

Höcümdä mikroavtobustağı 10 keşe ülgän, şaqtıy keşe yaralanğan.

Şahitlar süzlärenä kürä bandanıñ “tuqta” boyırığın ütmägän mikroavtobuska şunduq ut açılğan.

Barlıqqa kilgän waqıyğadan “400 Mwozo” bandası cawaplı totıla.

Poliśiya kiñ qırlı operaśiya başlatqan.

Berlӓşkӓn Millӓtlӓr Oyışmasınıñ Gaiti integral’ ofisı tarafınnan 2 fevral’dä äzerlängän xisaptan kürengänçä 2023 yılnıñ soñğı 3 ayında Gaitidä 2300dän artıq keşe üterelgän, yaralanğan yäisä urlanğan.