2023 nçe yılda 5,5 millionnan artıq denge bizgäge oçrağı terkälgän
Ul 5 meñ keşene yaqtı dön'yadan alıp kitkän
2102966
2023 nçe yılda böten dön’yada 5 million 500 meñnän artıq denge bizgäge oçrağı terkälgän.
Bu xaqta Bötendön’ya sälamätlek saqlaw oyışmasınıñ tropik awırular bülege direktorı Raman Velayudxan belderä.
Wäqalätle zat bilgeläp uzğança, uzğan yıl dön’yada 5 million 500 meñnän artıq keşe denge bizgäge belän awırğan häm annan 5 meñ keşeneñ ğomere özelgän.
Denge bizgägeneñ töp yörtüçeläre bulğan çerkilär êkologik üzgäreşlär häm klimat şartları täêsirendä Urta diñgez töbägendä tağın da kübräk ilgä, Kön’yaq Amerika illärenä häm Afrikanıñ qayber töbäklärenä taralğan.
Raman Velayudxan äytüençä, 2023 nçe yılda Amerika qıytğasında 4 million 500 meñ denge bizgäge oçrağı terkälgän. Bu isä ber qıytğada ber yıl êçendäğe iñ yuğarı kürsätkeç.
