Bayden Naval'nıynıñ üleme turında belderülär yasadı

Amerika Quşma Ştatları ilbaşı Djo Bayden Rusiyäneñ oppoziśiya liderı Aleksey Naval’nıynıñ törmädä üleme öçen däwlät başlığı Vladimir Putinnı cawaplı itep kürsätte. Aq Yortta uzğan matbuğat cıyılışında älege waqıyğa nisbätennän AQŞnıñ poziśiyäse häm monnan soñğı adımnar bäyälände.

“Aleksey Naval’nıynıñ üleme turındağı xäbärlärgä şaqqatmadım, açuım çıqtı. Putin anı ağuladı, qulğa aldırdı häm xökem itterde. Anı törmägä cibärde häm izolyaśiyäläde”,-dide Bayden. Ul Mäskäwneñ Naval’nıy turında başqaça söyläyäçägen assızıqladı häm “Anıñ belän bulğan xäl öçen barı Putin cawaplı”,-dip östäde.   

AQŞ ilbaşı Naval’nıynıñ ülemennän soñ Rusiyägä qarata yaña sankśiyälär kertelä aluına iğ’tibarnı cälep itte.

Rusiyäneñ cäzalarnı ütätü federal’ xezmäte oppoziśionernıñ kiçä törmädä wafat buluın belderde.