Tailandta hawa pıçranu arqasında öydän êşlilär
Başqala Bangkokta hawa pıçraqlığı öydän çıqmaslıq däräcägä cirkän
2103033
Tailand başqalası Bangkokta hawanıñ pıçraqlığı arqasında öydän torıp êşläw sistemasına küçtelär. Bu däwlät xezmätkärlärenä qağıla häm 2 kön däwam itäçäk. Şäxsi tarmaqqa da öydän torıp êşlärgä küçergä kiñäş ittelär.
Bangkok şähäre wäqalätleläre qaladağı hawanıñ sälamätlekkä naçar täêsir itüçe däräcägä citep pıçranuın belderä.
Tailand xökümäte räise Sretta Tavisin sośial media aşa beldergänçä, şähärdäge hawa pıçraqlığınıñ yaqınça 25%ı maşinalardan çıqqan gazlarğa bäyle. Ul kiläse adımnıñ tözeleş êşçänleklären waqıtlıça tuqtatu häm şähärdäge dizel’ yağulıqta êşläwçe texnikanı çikläw bulaçağın assızıqladı.
