Somalida bitlek häm baş kiyeme tıyuı

Somali başqalası Mogadişoda bitlek häm baş kiyeme qurqınıçsızlıq nigeznamäse belän tıyılğan.

Mogadişo şähär xaqimiyäte süzçese Salah Deere jurnalistlarğa açıqlaw yasap, cinayät’ başqaruçılarnıñ şäxes tanıqlıqların yäşerüe arqasında bitlek häm baş kiyeme qullanularınıñ tıyıluın citkergän.

Deere cämäğat’ transportlarında qoral taşunıñ da tıyıluın açıqlağan.

Olı yäş’tägelär kigän baş kiyemnärenä isä bu tıyu qağılmıy.

Somali däwlät başlığı Xäsän Şäyex Mäxmüt tä qatnaşqan qurqınıçsızlıq cıyılışında qabul itelgän qararlar soñğı waqıtta artqan bombalı höcümnärgä qarşı kürelgän yaña çaralardan qayberläre buldı.

Mogadişo xökümäteneñ Äş-Şäbab terror oyışmasına qarşı operaśiyalären arttıruı belän oyışma da törle şähärlärdä höcümnären arttırğan ide.