FBR citäkçese İzrailgä kötelmägän säfär yasadı

AQŞ federal’ tikşerü byurosı (FBR) mödire Kristofer Rêy aldan äytmiçä genä İzrailgä säfär yasadı. Bu xaqta FBRdan belderdelär. Anda Rêynıñ regiondağı waqıyğalar turında söyläşü öçen İzrailgä syurpriz säfär yasawı, cirle iminlek häm küzläw oyışmalarınıñ wäqalätleläre belän oçraşuı äytelä.

FBR citäkçese izraille wazıyfadaşları belän xezmättäşlegen ozaq waqıt däwam itüçe, yaqın häm nıq dip bäyäläde. Ul AQŞ federal’ tikşerü byurosınıñ İzrailgä yärdäme däwam itäçägen häm ike il arasındağı xezmättäşlekneñ ähämiyäten assızıqladı.