İzrail höcümnäre tuqtamıy

İzrailneñ 7nçe oktyabr’dän birle Ğazzä sızığına däwam itkän höcümnärendä ğomere özelgän fälästinlelärneň sanı 28 meň 176ğa citkän.

Ğazzädäge Fälästin sälamätlek saqlaw ministrlığınıñ Facebooktağı akkauntında 128 kön barğan höcümnär belän bäyle mäğ’lümatlar citkerelde.

İzrail ğaskärläre soñğı täwlektä Ğazzä sızığında tağın 112 fälästinlene ütergän, soňğ höcümnärdä 173 keşe cäräxätlängän, şulay itep Ğazzä sızığına däwam itkän höcümnärdä ğomeren yuğaltqan fälästinlelärneň sanı 28 meň 176 bulğan, 67 meň 784 keşe yaralanğan.

Belderüdä äytelgänçä, cimereklär astında häm yul çitlärendä äle dä ülelär bar, läkin İzrail köçläreneň totqarlawı arqasında aşığıç yärdäm häm grajdannar saqlanu törkemnäre cimereklär astındağı keşelärgä barıp citä almıy.