Zimbabve ülem cäzasın beterä
Ülem cäzası il Angliyä koloniyäse bulğan çordan qalğan
2099296
Zimbabve xökümäte ülem cäzasın beterä. Ul üterüdä ğayeplänep xökem itelüçelärgä qarata bilgelänä ide. Ministrlar kabinetı ülem cäzasın küzallawçı qanunnı ğamäldän alu qararı çığardı.
Zimbabve mäğ’lümat ministrı Jenfan Musvere cirle matbuğat ähellärenä yasağan belderüdä äytkänçä, parlament cibärgän häm 1 yıl kabinetta kötep torğan qanun tözätmäläre täq’dime qabul itelgän. Ul älege qanun ğamäldän çığarılğannan soñ cinayät’çelärgä ülem cäzası urınına ozaq waqıt irektän mäxrüm itüne küzallawçı könstituśiyä tözätüläre yasalaçağın da äytte.
Ülem cäzası il Angliyä koloniyäse bulğan çordan qalğan häm 2005nçe yıldan birle berkem dä aña tartılmağan.
