AQŞ "Xizbullax" komandirın üterde
Monı Yaqın Könçığıştağı AQŞ ğaskärlärenä yasalğan höcümnärgä cawap itep başqaruların belderdelär
2099249
Amerika Quşma Ştatları armiyäse Yaqın Könçığıştağı ğaskärlärenä yasalğan höcümnärgä cawap itep Ğıyraqta şiğıy suğışçan köçe “Ketaib Xizbullax” törkemendäge ber komandirnı üterülären citkerde.
AQŞ üzäk komandalığınnan yasalğan belderügä qarağanda, alar Ğıyraqta ber’yaqlı häm berdänber höcüm oyıştırğan. Anda regiondağı Amerika ğaskärlärenä qarata höcümnärne turıdan-turı planlaştıruçı häm anda qatnaşu öçen cawaplı “Ketaib Xizbullax” komandirınıñ üterelüe äytelde.
Ğıyraqtağı şiğıy suğışçan köçe “Xaşd äş-Şaabi” komandirları Äbü Baqır äs-Saadinıñ başqala Bağdadtağı hawa höcümendä üterelüen citkergän ide. “Ketaib Xizbullax” (Xizbullax brigadaları) iseme belän bilgele İran yaqlawındağı törkem isä älege “Xaşd äş-Şaabi”nıñ ber êlementı.
AQŞ 29nçı ğıynvarda Yordaniyä belän Süriyä çigendäge bazasına oyıştırılğan häm 3 ğaskäriyeneñ ülemenä kitergän höcümnär öçen İran suğışçan törkemnären cawaplı itep kürsätte.
