Yaponiyada qar yawıp 240 keşe yaralandı

Yaponiyä başqalası Tokio häm anıñ tiräsendä köçle qar burannarı 240 keşeneñ yaralanuına kiterde.

Cirle matbuğattağı xäbärlärgä qarağanda, Tokioda cäyäwlelärgä uramnarda yörü qıyın. Näticädä, 140 keşene törle travmalar belän xastaxanägä salalar. Aralarında 4 yäş’lek balalar da, 92 yäşendäge ölkännär dä bar. Başqaladan tön’yaq-könbatışqa taba urnaşqan Saitamada - 70, kön’yaq-könçığışındağı Kanagavada isä 30 keşe yaralanıp xastaxanägä möräcäğat’ itä.

İldä 14 meñnän artıq yortta êlektr özelgän. Qayber yullarda bozlawıq häm körtlär arqasında xäräkät tuqtala. Oçqıç säfärläre ğamäldän çığarıla. Timer yullarda da reyslar kiçekterelä yäisä tuqtatılıp tora. Poyızdlar körtlärgä yulığıp 1600gä yaqın keşe vagonnarda tön kiçerergä mäcbür bulğan.

Tokioda 8 santimetr qalınlıqta qar yawğan. Yaponiya meteorologiyä agentlığı citkergänçä, başqalada soñğı tapqır qar 2022nçe yılnıñ fevralendä yawğan häm 1 santimetr biyeklektä bulğan.