Tuydan qaytuçı xatın-qızlarnı urladılar

Nigeriyanıñ Kano töbägendä tuydan qaytuçı 53 xatın-qız urlandı. Cirlekneñ êşke iminlek komissarı Nasuri Muaz beldergänçä, waqıyğa Damari awılında bula. Tuydan qaytuçı keşelär höcümgä êlägä. Qorallı törkem 53 xatın-qıznı alıp kitä.

Kano poliśiyä idaräse süzçese Äbubäker Aliyu cirlekkä iminlek köçläre cibärelüen häm qotqaru êşçänlekläreneñ başlanuın söyläde.

Nigeriyada, ülem cäzası yanawğa qaramastan, aqça taläp itü öçen keşe urlaw oçraqları yış bula.