Makronnı 28 yıl êlek ülgän Mitteran belän butaştırdı

AQŞ ilbaşı Djo Bayden Franśiyä däwlät başlığı Êmmanuêl’ Makronnı 28 yıl êlek ülgän lider Fransua Mitteran belän butaştırdı. Ul Las-Vegasta oyıştırılğan saylaw kampaniyäse çığışında êlekkege ber G7 cıyılışındağı xälne söyläde. Şunda ul Makron belän 1996nçı yılda ülgän Mitterannı butap bolay di: “Germaniyädän, ğafu, Franśiyädän Mitteran miña qaradı da: “Qayçanğa qadär monda bulasız äle?” dip soradı”.

Bayden yış qına yalğış söyläwe, buşlıqqa küreşergä qul suzuı häm yığıluları belän kön üzägendä bula. Aq Yort anıñ sonğı xatasın “Makron” dip tözätep bastırdı.