İzrail Räfaxqa höcüm itärgä cıyınamı?

İzrail xökümäte räise Bin’yamin Netan’yaxu höcümnärdän qaçuçı yaqınça 1 yarım million keşe sıyınğan Räfax şähärenä cirdän basıp kerü başlayaçaqlarına işarä itte.

İzrail xökümät yortı Netan’yaxunıñ ministrlar kabinetı cıyılışında yasağan belderülären citkerde. Ul xalıqara cämäğat’çelek, şul isäptän AQŞnıñ da, yärdämenä ixtiyacı bulmawların assızıqladı häm “Xamas”nı yuq itüneñ töp maqsatları ikänen belderde. Netan’yaxu älegä qadär “Xamas”nıñ 24 batal’yonınıñ 17sen yuq itülären alğa sörä. “Qalğan batal’onnarnıñ kübese Ğazzäneñ kön’yağında häm Räfaxta, alarğa da barıp citäçäkbez”,-dide ul.