Afätlärdä ülüçelär sanı arta

Kön’yaq Amerika ile Çilineñ urta häm kön’yaq töbägendä küzätelgän urman yanğınnarında ğomere özelüçelär sanı 112 buldı.

BBC beldergänçä Çilile räsmi zatlar yanğınnarda kim digändä 112 keşeneñ ülüen, 3 meñ belän 6 meñ arasında öyneñ zıyan kürüen citkerde.

Däwlät başlığı Gabriel’ Borik şartlar küz uñında totılğanda yanğınnarda yaqtı dön’yadan kitüçelär sanınıñ artaçağın, düşämbe häm sişämbe könnärendä Milli matäm köneneñ iğlan itelüen äytte.

Sälamätlek saqlaw ministrlığı da sörän saluların, xastaxanälärne aşığıç bulmağan operaśiyalärne kiçekterergä çaqıruların häm qır xastaxanäläreneñ qorılaçağın belderde.

Êçke êşlär ministrı Karolina Toha 1400 yanğın sünderüçe belän ber rättän ğadättän tış xäl xezmätläre belän xärbi personalğa da wazıyfa birülären, yanğın säbäbeneñ tikşerelüen açıqladı.

Çilile räsmi zatlar ğadättän tış xäl qısaların kiñäytülären citkerep, bu cirlärgä säyäxät itmäw turında kisätte.