Blinken qabat Yaqın Könçığış turına çığa

Amerika Quşma Ştatları däwlät särqätibe Êntoni Blinken İzrailneñ Ğazzägä höcümnäre başlanğan 7 oktäbr’dän soñ 5nçe tapqır Yaqın Könçığış turına çığa.

AQŞ Däwlät departamentınnan yasalğan belderügä kürä Blinken 4-8 fevral’ könnärendä Soğud Ğaräbstanı, Misır, Qatar, İzrail häm Yordannıñ könbatış üzänlegenä säfär yasayaçaq.

Belderügä kürä Blinken äsirlär belän almaşu häm gumanitar tänäfes öçen taraflar arasında kileşü tözergä tırışaçaq häm Ğazzädä gumanitar yärdämnärne ireşterä alu öçen bäyläneşle illär belän küreşäçäk.

İzrail belän Fälästin arasında daimi tınıçlıqnıñ urnaşuı öçen diplomatik söyläşülär dä uzdıraçaq Blinkennıñ kön tärtibendäge ikençe başça isä Qızıl diñgezdäge xusi höcümnäre belän bäyle soñğı wazğıyät’ bulaçaq.