Fälästingä yaqlaw kürsätü çaraları däwam itä
İtaliya, Germaniya, İspaniya, Şveŝiya, Greŝiyädä şundıy çaralar uzdı
İtaliyädäge yähüdlär cämğıyäte basımı astında kiçekterelgän Fälästingä yaqlaw kürsätü çaraları gubernatorlarnıň tıyularına qaramastan Rimda häm Milanda ütte.
Çaralarda meňlägän keşe keşe qatnaştı.
Başqalada 3 meňnän artıq protestçı Vittorio Êmanuêl mäydanında cıyıldı, alar rizasızlıq belderü xoquqların tıyuğa häm İzrailneň Ğazzägä höcümnärenä qarşı miting ütkärdelär.
Çarada qatnaşuçılar “Fälästingä irek” şiğar’lären äyttelär.
Milanda Fälästingä yaqlaw kürsätüçelär Loreto mäydanına cıyıldılar, protestçılar belän qurqınıçsızlıq köçläre arasında waqıt-waqıt kiyerenkelek arttı.
Fälästingä teläktäşlek çarası Germaniya başqalası Berlinda da ütte.
Aleksandrplaŝ mäydanına kilgän protestçılar şähär üzägenä yöredelär.
Meňlägän keşe İspaniya başqalası Madridta Fälästinne yaqlap uramnarğa çıqtı, alar xalıqara cämäğat’çelekne tiz häm daimi utnı tuqtatu öçen İzrailgä basım yasarğa öndädelär.
Protestçılar İspaniya xökümätennän İzrail belän barlıq säyäsi, diplomatik, iqtisadıy, mädäni häm sport mönäsäbätlären özüne soradılar.
Şveŝiya başqalası Stokgol’mda yaqınça 15 meň keşe Fälästingä yaqlaw kürsätep tışqı êşlär ministrlığına yul tottılar.
”Ğazzädä balalar üterelä”, “Genoŝidnı tuqtatığız” yazuları kütärgän protestçılar AQŞ häm Şveŝiyäneň İzrailne yaqlawına reakŝiya belderep, ike ilneň İzrail qılğan suğış cinayät’lärenä urtaq buluın alğa sörde.
Protestçılar Şveŝiya tışqı êşlär ministrın İzrail’gä yärdäm itkän öçen wazıyfasınnan kitärgä çaqırdılar.
Greŝiya başqlası Afinada da Fälästingä yaqlaw kürsätü yöreşe oyıştırldı.
Êlefteriya parkında cıyılğan rizasızlıq belderüçelär İzrailneň Afinadağı ilçelegenä bardılar.
”Fälästingä irek”, Ğadellektän başqa çişeleş yuq” şiğar’läre äytkän protestçılar irekle Fälästin däwläte tözüneň çişeleş öçen kiräklegen assızıqladılar.
