NATO Rusiyä çikläre yänäşäsendä künegülär uzdıra
Rusiyä bu adımnıñ suğış çığu riskın arttıruın belderde
2094072
Rusiyä tışqı êşlär ministrlığı süzçese Mariya Zaxarova NATOnıñ Rusiyä çiklärenä yaqın regionda xärbi künegülär ütkärü plannarınıñ suğış yanawın arttıruın belderde. Ul başqala Mäskäwdä oyıştırılğan atnalıq matbuğat cıyılışında köndälek mäs’älälär xaqında söyläde.
Zaxarova NATOnıñ “Qaqşamas saqçı-2024” dip ataluçı xärbi künegülärenä iğ’tibarnı cälep itep, monıñ Rusiyä çiklärenä yaqın cirlektä oyıştırıluınıñ provokativ ikänlegen assızıqladı.
“Bu adım belä torıp wäzğıyät’neñ naçarayuın maqsat itep quya, suğış riskın arttıra häm Awrupa öçen faciğale näticälärgä kiterä ala,”-dide süzçe.
Zaxarova Rusiyäneñ NATO illärenä höcüm itärgä cıyınmawın da äytte.
