Qulğa alular artqan

 İzrail ğaskärläreneň basıp alınğan Yordannıň Könbatış üzänlegendä 7 nçe oktyabr’dän birle qulğa alğan fälästinlelär sanı 6 meň 255kä citkän.

Bu xaqta Fälästin äsirlär cämğıyäte häm Fälästin azatlıq oyışmasına bäyle Fälästin totqınnar eşläre komitetınıň urtaq yazmaça belderüendä citkerelä.

Belderüdä äytelgänçä, İzrail köçläre soňğı täwlektä 35 fälästinlene qulğa alğan häm 7 nçe oktyabr’dän birle qulğa alınğan fälästinlelär sanı  6 meň 255 bulğan.

İzrail ğaskärläre 7nçe oktyabr’dä Ğazzägä höcümnär başlağaç basıp alınğan Yordannıň Könbatış üzänlege häm Könçığış Qodüstä fälästinlelärgä qarata qulğa alular, basqınnar häm höcümnär artqan.