İranda terraktta ülüçelärneñ sanı 95kä citte

İrannıñ Kirmän töbägendä 3nçe ğıynvarda İnqıylab gvardiyäse armiyäse komandirı Qasıym Söläymaninıñ qabere yänäşäsendä bulğan 2 şartlawda ülüçelärneñ sanı 95gä citte.

İlneñ däwlät telekanalı citkergänçä, terrakt waqıtında yaralanğan häm monarçı xastaxanädä bulğan Nazänin Açäkzäxi isemle 11 yäş’lek qız bala bügen küzlären mäñgelekkä yoma. Şulay itep, şartlawda hälaq buluçılarnıñ sanı arta.

Xärbi komandir Söläymani 2020nçe yılnıñ ğıynvarında AQŞnıñ Bağdadtağı höcümendä üterelgän ide. Anıñ wafatına 4 yıl tulu uñayınnan 3nçe ğıynvarda iskä alu tantanası waqıtında qaberlegenä iltüçe yulda 2 şartlaw buldı. İranlı wäqalätlelär monı gäwdälärenä bomba berketelgän terrorçılar, ikençe törle äytkändä, “canlı bomba”lar başqaruın açıqladı.

Höcüm öçen cawaplılıqnı DEAŞ terrorçı oyışması üz östenä aldı.

Waqıyğadan soñ başlanğan operaśiyädä 6 töbäktä 35 keşe saq astına alına. “Canlı bomba”lardan berseneñ Tacikstan keşese buluı belderelde.