Cirteträwdä 3 keşeneñ ğomere özelde

Qıtaynıñ Şeñcan-uyğır üzidaräle töbägendä kiçä barlıqqa kilgän 7,1 ball zurlığındağı cirteträwdä berençe mäğlümatlarğa kürä 3 keşeneñ ğomere özelde, 5 keşe yaralandı.

Qıtaydağı Cirteträw çeltärläre üzäge êpiśentrı Aksu vilayäteneñ Üçturfan rayonınıñ 50 çaqrım könbatışı bulğan zilziläneñ küzätelüen açıqlağan ide.

Cirle citäkçelektän yasalğan açıqlawğa kürä afät Qazaqstan häm Qırğızstan çigenä yaqın urnaşqan tawlı urında barlıqqa kilgän.

Êpiśentrğa 20 çaqrım yıraqlıqta urın alğan 5 awılda 47 öy cimerelgän.

Aralarında parniklar, abzarlar häm igençe öyläre bulğan 120dän artıq qorılma zıyan kürgän.

Cirteträw Qırğızstan, Qazaqstan häm Üzbäkstan belän ber rättän töbäk illärendä dä xis itelgän.