AQŞta yort-cirsezlär rekord däräcägä citte

Amerika Quşma Ştatlarında yort-cirsezlärneñ sanı 12%qa arttı häm barlıq çorlarnıñ iñ yuğarı kürsätkeçenä ireşte. İlneñ toraq tözeleşe häm şähär üseşe ministrlığı beldergänçä, 2023nçe yılnıñ ğıynvarında 650 meñnän artıq keşe yort-cirsez bulğan. Bu - 2007nçe yılda mäğ’lümatlar terkälä başlağannan birle iñ yuğarı san.

Belderüdä artunıñ, başlıça, täwge tapqır yortsız qaluçılarğa bäyle buluı äytelä. Monda toraq arendası bäyäläreneñ il külämendä tiz artuı häm koronavirus çorında keremnärneñ kimüeneñ dä yoğıntısı bar.  

Belgeçlär arendalanuçı toraqlarnıñ çığımnarınıñ “ğadättän tış qıyınlıq tudıruçı” buluına iğ’tibarnı cälep itä. İldä yort-cirsezlärneñ yaqınça 28%ı balalı ğailä. Andıylar uzğan yıl 25 meñ keşegä artqan.

AQŞ toraq tözeleşe häm şähär üseşe ministrı Marsia Fadj yort-cirsezlär problemasın çişüdä alğa kiteşläre buluın, tik äle êşlänäse bik küp êş barlığın belderde.