AQŞ Ğazzädä suğışnıñ tuqtawın telämi

Amerika Quşma Ştatları idaräse Ğazzä sızığında ğomumi utnı tuqtatu tügel, äsirlärne çığaru häm cirlekkä yärdämnärne kertü öçen “gumanitar tänäfes”ne yaqlawların belderde.

Aq Yort milli iminlek şurası strategik êlemtä koordinatorı Djon Kirbi köndälek matbuğat brifingında Ğazzädäge soñğı wäzğıyät’ häm İzrailneñ höcümnären bäyäläde. Ul jurnalistlarnıñ Ğazzädä İzrail höcümnäreneñ artuı turındağı sorawlarına: “Bu mäs’älä - İzrail idaräseneñ xärbi planı” diyebräk cawap birüdän taypıldı.

Djon Kirbi İzrailneñ “Xamas”nı yuq itü poziśiyäsen yaqlawların, tik fälästinle tınıç xalıqnı saqlarğa kiräklegen äytte. Ul İzrailneñ üz-üzen yaqlaw xoquqı buluın xäterlätte. Şuña kürä AQŞ “Xamas”qa qarşı bu suğışnıñ däwam itüenä qarşı çıqmıy, barı “gumanitar tänäfeslär” yasaw kiräklegen assızıqlıy.