Suğış qorbannarınıñ sanı arta

İzrailneň Ğazzägä höcümnäre däwam itä.

Ğazzädäge sälamätlek saqlaw ministrlığı beldergänçä, 7nçe oktyabr’dän birle barğan İzrailneň Ğazzä sızığındağı höcümnärendä ğomere özelgän fälästinlelärneň sanı 24 meň 927gä citkän, 62 meň 388 keşe yaralanğan.

Alarnıň  kim digändä 10 meň 800e balalar, 7 meñ 250se xatın-qızlar.

Cimereklär astında äle dä meňlägän üle buluı belderelä.

Bäreleşlär 24 nçe noyabr’dän başlap 4 kön tuqtap tordı, annarı utnı tuqtatu tağın 3 köngä ozaytıldı.

“Gumanitar tänäfes” tä 81 İzrail häm 240 Fälästin totqını irekkä cibärelde.

İzrail Ğazzägä gumanitar yärdäm cibärügä dä kirtä quya.

Berläşkän Millätlär Oyışması ğomum särqatip süzçese Stefan Dyujarrik ğıynwarnıň berençe ike atnasında planlaştırılğan 29 yärdäm tapşırudan 7 seneň genä tulısınça yäki öleşçä tormışqa aşırıluın belderä.

 Dujarrik şulay uq Ğazzädäge yoğışlı awırular qurqınıçına da basım yasıy, citärlek häm çista su bulmaw arqasında 152 meň êç kitü oçrağı terkälüen häm bu oçraqlardan yartısınıň 5 yäş’kä qadärge balalar buluın iskärtä.

Ğazzädä 8 kön özek bulğan êlemtä xezmätläre äkrenläp torğızılğan.

Fälästin telekommunikaŝiya şirkäte texnik törkemnäreneň alarnı tözekländerüen belderä.