Bötendönya sälamätlek saqlaw oyışması 1,5 milliard dollar soradı
Bu bıyıl dön'yadağı awır xäldäge keşelärgä gumanitar mediśina yärdäme kürsätü öçen kiräkle summa
Bötendönya sälamätlek saqlaw oyışması 2024nçe yılda Cir şarındağı iñ yaqlawçısız xalıq öçen 1,5 milliard dollar külämendä yärdäm çaqıruı yasadı.
Oyışmanıñ ğomum mödire Tedros Adxanom Gebreyesus: “Bıyıl yaqınça 166 million keşe ğomerlären qotqaruçı gumanitar mediśina yärdämenä moxtac bulaçaq”,- dide. Ul älege temağa bağışlanğan onlayn cıyılıştağı çığışında Ğazzä, Ukraina, Sudan, Gaiti, M’yanma häm Êfiopiyadağı bäreleşlärgä tetränülären häm borçıluların söyläde.
Gebreyesus 2023nçe yılda dön’yadağı här 5 balanıñ berseneñ bäreleş cirleklärendä yäşäwen yäisä annan qaçırğa mäcbür buluın, klimat üzgärüneñ dä sälamätlekkä naçar yoğıntı yasawın citkerde. Uzğan yıl gumanitar yärdämnärne finanslaw axırğı 10 yılnıñ iñ tübän däräcäsendä bulğan, sälamätlektä küzallanğan finanslawnıñ barı 12%ı täêmin itelgän.
