AQŞta zämhäri suıqlar

Amerika Quşma Ştatlarında küzätelgän zämhäri suıqlarda 7 keşeneñ ğomere özelgän.

Milli meteorologiya xezmäte ilneñ tön’yaq töbäkläre häm tön’yaq-könçığış ştatlarında hawa däräcäseneñ minus 34 graduska qadär töşäçäge turında kisätte.

“Associated Press” xäbärenä kürä salqınnar arqasında Portlandta, 4 keşe, Viskonsin ştatında 3 öysez keşe yaqtı dön’yadan kitkän.

İldäge 23 ştatta qar, bozlawıq häm suıqlar turında kisättelär.

N’yu-York, Baltimor häm Vaşington şähärlärendä berençe tapqır qar yawğan. Küp qar yawğan töbäklärdä mäktäplär yabılğan.

İlneñ könçığışında 1300dän artıq oçqıç säfäre ğamäldän çığarıldı. Oregan, Texas häm Luiziana ştatlarında da 120 meñ öy häm êş urınında ut betkän.

Räsmi zatlar bozlawıq ixtimalına qarşı watandaşlarğa mäcbüri bulmağan oçraqta uramğa çıqmasqa kiñäş itte.