Yaponiya belän Awstraliya arasında xärbi xezmättäşlek
Yaponiya häm Awstraliya “töbäktä ber ük waqıttağı kötelmägän xällärgä qarşı” xärbi xezmättäşlekne nığıtunı maqsat itä
2089196
Yaponiyanıñ “Kyodo” räsmi xäbär agentlığı beldergänçä, Tokio häm Kanberra xökümätläre Könçığış häm Kön’yaq Qıtay diñgezendäge xärbi yanawlarğa qarşı saqlanu xezmättäşlegen köçäytüne söyläşä.
Söyläşülärdä Yaponiya üz-üzeñne saqlaw köçläre häm Awstraliya ğaskäre arasında urtaq xärbi künegülärneñ arttırıluı häm qısasınıñ kiñäytelüe mäs’äläse quzğatıldı.
Bu räweşle Tın okeanındağı ike kürşe il “yaqındağı töbäklärendäge kötelmägän xällärgä, şul isäptän Qıtaynıñ buluı mömkin provokaśion ğamällärenä qarşı” tıyıp toruçanlığın arttıraçaq.
