Bikläp totıluçı 726 keşe qotqarıldı

Meksikanıñ Tlaşkala töbägendä ber skladqa biklängän 726 qaçaq qotqarıldı. İl matbuğatında çıqqan xäbärlärgä qarağanda, poliśiyä, San-Antonio Kuaksomul’ko şähärendä operaśiyä oyıştırıp, mäcbüri räweştä totıluçı keşelärne irekkä çığara. Alar arasında 75 bala da bar. Qaçaqlarnı bikläp totqan 4 kontrabandaçı qulğa alınğan.

Xalıq qurqınıçsızlığı agentlığınnan yasalğan belderügä qarağanda, qaçaqlar Gvatemala, Gonduras, Sal’vador häm Nikaraguadan. Alar çiktän tış susız häm kislorodsız qalğan, qayberlären xastaxanägä salırğa turı kilä.

Amerika Quşma Ştatlarına baru xıyalı belän kontrabandaçılarğa meñnärçä dollar tüläwçe qaçaqlar bik xätär şartlarda yulğa çığa.