Yullar ubıldı
Kolumbiyada cir şuışu arqasında yullarda upqınnar barlıqqa kilä
2088332
Kolumbiyäneñ Çoko administrativ töbägendä maşina yulınıñ işelüe näticäsendä 33 keşe ülä, 19ı yaralana. Anda köçle yañğırlardan soñ cir şuışa.
Kolumbiyä däwlät başlığı urınbasarı Fransiya Markes sośial’ media platformasında “Älege waqıyğa bezne tirän borçuğa saldı, ğailälärneñ qayğısın urtaqlaşabız” dip yazdı.
Däwlät başlığı Gustavo Petro cirlekkä östämä êzläw-qotqaru törkemnäre cibärelüen belderde.
Çoko gubernatorı Nubia Karolina Kordoba mömkin bulğança tağın da kübräk keşeneñ qotqarıluı öçen êşçänleklärneñ tuqtawsız baruın citkerde.
Aşığıç yärdäm üzägennän yasalğan belderüdä ber ük waqıtta bik küp sanda cir şuışu xäbäre alınuı häm uylanğannan tağın da kübräk keşeneñ tufraq astında qalğan bula aluı äytelä.
